Iacobus Dei, et Domini nostri Iesu Christi servus, duodecim tribubus, quæ sunt in dispersione, salutem.
Fratres mei, nolite in personarum acceptione habere fidem Domini nostri Iesu Christi gloriæ.
Nolite plures magistri fieri fratres mei, scientes quoniam maius iudicium sumitis.
Unde bella, et lites in vobis? Nonne hinc? ex concupiscentiis vestris, quæ militant in membris vestris?
Agite nunc divites, plorate ululantes in miseriis vestris, quæ advenient vobis.